Humalin sa mga student film makers, tubtob sa mga beterano na sa industriya ang nag pakigbahin.
Ini ang siyam ka mga Bacolodnon Film makers nga nakasulod sa screening para sa Bacolod Film Festival 2026.
Sila ang magapasa sang ila nga mga short film nga official entry para sa amo nga kompetisyon kag natalana ini nga ipagwa sa publiko sa Nobyembre 27 tubtob 29 sini nga tuig.
Matapos nga napilian ang siyam ka mga film makers, magabaton sila sang tig-100,000 pesos nga subsidy gikan sa Bacolod LGU agud sila ang mahatagan pondo.
Nakasentro ang mga istorya sang mga film makers sa tema nga “Pag-angot: Celebrating Heritage, Shaping Our Future,” kun sa diin ginapaabot mga ma feature ang mga kultura kag lugar sa siudad nga masami nagakalimtan na.
Ginsiling ni BFF Director Tanya Lopez, kinahanglan nga isa ka Bacolodnon ang Director sang tagsa ka mga shortfilm kag 50 percent sang kabug-osan nga cast ang dapat taga Bacolod man.
Dugang pa niya, agud mapabilin ang creativity sang tagsa ka film, ila gina discourage ang pag gamit sang Artificial Intelligence, apang ini ang wala man ginadumilian sandig sa pagsulundan.
Sa karun, padayon na ang casting call sang tagsa ka mga short films bilang panugod sang ila pagdihon sang ila tagsa ka istorya.
[sibwp_form id=1]