Opisyal nga nagsugod subong nga adlaw ang Bacolod Film Festival 2025 sa Ayala Malls Capitol Central Cinema 1.
Ginpangunahan ni Mayor Greg Gasataya, mga opsiyal sang siudad kag ang Festival Director nga si Tanya Lopez, mga miyembro sang BFF Council kag Jury ang opening kaina sang aga.
Suno sa mga organizers, ang Bacolod Film Festival nagatuyo nga ipakita ang talento sang local nga filmmakers kag maghatag sang plataporma sa ila nga mga obra nga nagapakita sang kultura, istorya, kag identity sang Bacolod City.
Ang festival magapadayon sa masunod nga mga adlaw, nga may lineup sang mga pelikula, workshops kag special events para sa publiko kag sa mga nagpasakop.
Ang mga pelikula showing tubtub Nobyembre 29.
Ginapanwagan ang publiko nga suportahan ang local film industry sang Bacolod.