46th MassKara Festival, opisyal na nga nagbukas kahapon.
Yara sa 50,000 ang estimate sang PNP sa kadamuon sang tawo nga nagdagsa sa Bacolod City Government Center.
Puno sang tawo ang Bacolod City Government Center grounds sang kagab-i sa una nga adlaw sang MassKara Festival.
Naghatag sang kalingawan sanday Ara Mina, Paul Salas, Silent Sanctuary nga banda, kag iban pa nga local performers.
Isa sa mga highlight sang gab-i amo ang performance sang kilala nga banda nga Elias J TV Band, nga ginhulat sang madamo nga fans.
Wala pa makasaka sa stage si Elias, gin tumpukan na ang area sang mga fans.
May nagkalatumba sa pagdali-dali, ang iban nagbantay na sa kuwarto nga ginapahuwayan sang banda.
Sang yara na sa stage si Elias, naga daguob ang singgitan sang tawo kag mas nagkusog pa gid sang nagsugod na siya sa pag kanta kag pagsaot.
Siyempre, wala madula ang mga nag pasabak man sa babaw sang entablado.
May gin “daw zulueta” pa gid gani.
May firewroks display nga naghatag sang duag sa kalangitan.
Magapadayon ang selebrasyon tubtob sa October 19.