Sa Good Vibes, subong nga ber months ipakita ang supporta sa mga mangunguma pinaagi sa pag suporta sa Organic Farmers Market Festival nga maga bukas bwas sa aga.
170 ka mga organic market stalls ang maga bukas sumugod 9am bwas, Martes sa may Capitol Grounds.
Iya ini sa nagkalain lain nga mga LGU sa isla sang Negros kag nagkalain-lain man nga mga kooperatiba, kumpanya kag indibidwal nga naga practice sang organic farming ukon wala naga gamit sang kemikal sa pag panguma.
Sarang mabakal diri ang mga prutas, utan, kararuton, pagkaon, native delicacies kag madamo pa nga pwede pang regalo ukon pang konsumo.
Naga panawagan ang Office of the Provincial Agriculturist nga suportahan ang mga farmers kag ang local products sang Negros.
Kabahin sa mga naka line up nga mga activities ang mga conferences, campaigns, learning sessions, kag mga livelihood skills and training.
Igalunsar man ang 2027 Organic World Congress sa Negros Occidental.
Bwas las otso isa ka misa ang patigayunon nga paga sundan sang ribbon cutting.
Ini ang ika 19 na nga Negros Island Organic Farmers’ Festival nga may tema nga Organic Abanse Negrense: From local roots to global impact nga maga lawig tubtob sa Nobyembre 21.
[sibwp_form id=1]