Sang sini gid lamang nagbaton sang cash gift ang centenarian sang Brgy. Buluangan sa San Carlos City.
Si Remedios C. Masaba, nagbaton sang ₱100,000 nga cash gift halin sa Provincial Government sang Negros Occidental subong nga Huwebes.
Personal nga gindul-ong sang CSWDO Senior Citizens Focal Person nga si Malvar Montaño, ang cash incentive kag certificate kay lola Remedios.
Antes sini nagbaton man siya sang P100,000 halin naman sa local government sang San Carlos kag may isa ka pa gid ka ₱100,000 halin sa national government sa third week sang December.
Gani sini nga December magalab-ot na sa P300,000 ang iya nga incentives nga batunon.
Ginsiling sang anak ni Lola Remedios nga ang panulukan pa lang sang iya iloy ang may deperensya.
Makabati pa siya kag naga kaon man kadungan sang ila pamilya kun ano man ang ila nga sud-an.
Para sa iya pamilya ang Ginoo lang ang nakahibalo kun tutob san-o kita magapabilin sa sini nga kalibutan.