Good Governance Code iga lunsar ni Mayor Albee Benitez para mabuligan ang mga bumuloto sa pagpili sang kandidato sa Barangay kag Sangguniang Kabataan Elections.
Suno kay Benitez dapat mangin maid-id ang mga botante sa pagpili sang masaligan nga lideres.
Gani plano niya nga ilunsar ang Good Governance Code agud makuha ang commitment sang mga nagapapili sa BSKE para sa ginalauman nga maayo nga panghimanwa.
Dugang sang alkalde ini ang magahatag giya sa mga botante sa pagpasiguro nga nahalungan sang mga elected officials ang pondo halin sa gobyerno.
Nalakip sa mga criteria sang alkalde ang maayo nga fiscal management kabahin diri ang pag-submit sang financial statement sandig sa mga pagsulundan.
Malab-ot naman isa ka tuig pero tubtob karon may pila pa ka mga barangay nga wala gihapon maka-liquidate sang financial assistance nga nahatag sang siudad para sa tinalikdan nga Masskara Festival competition.