Department of Agriculture Western Visayas ang naga pangayo sang solusyon sa Provincial Government sang Negros Occidental labi na kun paano maulian ang nadula nga 789 ka sako sang abono.
Nagsulat ang DA Western Visayas sadtong Hunyo 19 kay Governor Eugenio Jose Lacson, kasunod man sang pagsulat sa ila nga talatapan sang LGU sang Bago, Kabankalan, Cadiz kag Cauayan nga naga hinyo sang pag release sang ila nga mga allocation sa abono matapos nga wala sila maka withdraw kay wala na sang nabilin nga supply.
Suno kay Engineer Jose Albert Barrogo ang OIC-Regional Executive Director sang DA kuntani sa mas madali nga panahon maka patuman sang tikang ang probinsya.
“It’s because nag letter ang mga LGU sa aton, asking for their allocation. What I did is gin-endorse dira sa Provincial Fovernment nga pangitaan nila sang ideya kay since gapanukot na ang LGU recipient
naton. As of today, wala pa actually sang response ang province naton kun ano ang action nila”, suno kay Barrogo.
Ang missing nga abono kabahin sang 4,170 ka mga bag sang abono nga gin-release sa probinsya para i-distribute sa mga high value crop farmers nga apektado sang bagyo Odette.
Nahangpan man sang DA nga may imbestigasyon na nga gina patigayon ang probinsya.
Duha ka mga empleyado sang Office of the Provincial Agriculturist ang ginpasakaan na sang kaso angut diri.
Ipatuhoy man ni Barrogo ini sa manug pungko nga bag-o nga Regional Executive Director sa Lunes, kag naga laum man siya sa iya nga bahin nga maga panabat ang dapat nga manabat.