Shadow

Gobyerno ang magabayad sa mga nabakunahan nga mapa checkup sa ospital bangud sang side effects

Bacolod Congressman Greg Gasataya ang nagapasalig sa publiko nga wala sila sang dapat ikahangawa sa pagpabakuna para sa COVID-19.

Sang Biernes ginpirmahan na ni Presidente Rodrigo Duterte ang COVID-19 Vaccination Program Act nga nagatuyo sa pagpadasig kag pagpahapos para sa mga local government units nga makabakal sang bakuna direkta gikan sa mga pharmaceutical companies.

Kabahin sa amo nga kasuguan ang pagpain sang pondo sang gobyerno para ibayad sa pagpa ospital sang mga nagbatyag sang side effects matapos nga mabakunahan.

Ang indemnification fund ang pagahatagan sang initial fund nga 500 million pesos kag ipaagi sa PhilHealth ang pagbayad sa mga pasyente nga ma ospital.

Nalakip man sa kasuguan ang paghatag sang vaccination card sa mga persona nga nakapabakuna na.

Mahimo nila gamiton ang card sa ila pagbiyahe sa iban nga mga probinsya sa pungsod ukon sa luwas bilang pamatuod nga nabakunahan na sila para sa COVID-19.

Suno kay Gasataya, pinaagi sa ley mangin mahatagan sang nagakaigo nga proteksyon kag pribiliheyo ang mga magpabakuna.

Leave a Reply

Your email address will not be published. Required fields are marked *

Secured By miniOrangeSecured By miniOrange