Mansig palayag na ang tagsa ka lokal nga opisyal sang ila nga suportahan nga presidential candidate, karon nga nagsugod na ang national campaign, pero wala sa gihapon gin palayag ni Governor Eugenio Jose Lacson kun sino ang iya nga mangin presidente.
“On the day of the election, I will vote for the candidate who I can trust,” suno kay Lacson.
May napili na nga presidente ang gobernador pero sa gihapon iya ginsiling nga luyag niya magtutok sa iya nga kampanya. Antes niya man ipalayag ini, suno kay Lacson, may ideya naman ang pumuluyo sang iya napilian nga presidential candidate.
“I think even before revealing it, people have an idea already who my choice will be” suno kay Lacson.
Karon nga naga kampanya na kag ma imbitahan man siya sang iya napilian nga kandidato, bukas si Lacson sa pag tambong diri.
“Kun ang choice ko will invite me, yes most likely i will appear”, suno kay Lacson.
Katapo sang Nationalist People’s coalition si Lacson. Suno sa iya, mahimo sa bulan sang Marso mas klaro na kun may suportahan nga presidente ang NPC ukon tugutan na lamang ang mga katapo sini nga mag desisyon kun sino ang ila tagsa ka kandidato nga suportahan. Suno kay Lacson kun may itib-ong ang partido, laban nga magasuporta siya sa amo nga kandidato bilang katapo sang grupo.
Gina respeto naman sang gobernador ang suportahan nga kandidato sang mga lokal nga opisyales sang probinsya.