Hugot kag maid-id nga monitoring ang ginapatuman sang Negros Occidental kontra Mpox.
Publiko ang gina abisuhan naman nga kun naga lain ang pamatyag kag may mga rashes nga makit-an sa kaugalingon indi ini pag ibalewala.
Ang Bacolod City may isa ka kumpirmado nga kaso sang Mpox.
Nagapabilin nga wala sang kaso sang Mpox sa Negros Occidental.
May isa ka suspected case suno kay Provincial Health Officer, Dr Girlie Pinongan pero ang laboratory test ang nag negatibo.
Damlag pa nag pa gwa naman sang abiso ang PHO sa mga ospital nga kun may ma monitor nga daw kasubong sang sintoma sang Mpox ini ang iga prioritize.
Gina sulit ang abiso sa publiko nga mag observe sang hygiene, labi na ang pag panghugas sang kamot.
Ginsiling ni Negros Occidental Governor Eugenio Jose Lacson nga kun may mga sintoma mas maayo nga gilayon na lamang mag pa konsulta. Dugang pa ni Governor Lacson nga tun-an pa nila kun maga set-up sila sang stall sa airport kag seaport bahin sa monitoring para sa Mpox. Makalalaton ang Mpox kag sarang ini makuha paagi sa close contact kaangay sang skin to skin kasubong man sa mga droplets.