Karon nga may yara na sang kumpirmado nga kaso sang subvariant sang Omicron nga mas makalalaton, indi malayo ang posibilidad nga ini ang maga igo man sini suno kay Negros Occidental Governor Eugenio Jose Lacson nga nagsiling nga sa masami kun ano ang naga katabo sa Manila nagakatabo man sa mga probinsya.
Indi man niya luyag nga mag hatag sang pag alarma sa mga pumuluyo, pero kun lantawon ang sitwasyon kasubong gid man ang naga katabo.
Panugyan ni Lacson sa mga pumuluyo nga indi pagkalipatan nga pangapinan ang kaugalingon labi na ang pag gamit sang face mask.
Gina siling nga mas makalalaton ini pero mas milder . Gin kumpirma sang Department of Health nga na detect sa isa ka gikan sa Finland nga nag bisita sa Baguio ang sub variant sang omicron – ang BA.2.12, nga suno sa doh amo ang majority sang mga kaso sang Covid-19 sa Estados Unidos. Sa karon ang amo nga subvariant indi isa ka variant of interest ukon variant of concern.
“We are still on the same alert, but we can expect that it will happen here. I’m saying this not to be an alarmist, but I’m saying this because if you look at the records whatever happens in Manila, will happen here in the provinces. It is more transmissible but it is even I think milder than the original Omicron. Let’s just protect ourselves. Ma face mask gid. Amo ni ang pinaka last weapon naton, that we should get rid of”, suno kay Lacson.