Gobernador Eugenio Jose Lacson ang may panawagan kay Isabela Vice Mayor Renato Malabor Jr bahin sa wala sa gihapon na approve nga budget sang banwa.
Tubtob sa karon wala ma aprobahan sang Sangguniang Bayan sang Isabela ang 271 million pesos nga 2022 budget.
Suno kay Mayor Irene Montilla indi sila maka giho bangud madamo sang serbisyo ang apektado tuga sang indi pagpasar sang budget.
Ang mga job order workers humalin pa sang Enero suno sa iya ang wala nabayaran kag may iban sa ila nga wala na nag report sa trabaho.
Suno kay Montilla madugay na siya nga naga hinyo sang dayalogo sa sb para matalakay ang issue.
Sang Enero 28 nga kumpleto ang SB sa signing sang peace covenant kag iya ginduso ang dayalogo suno kay Montilla siya ang ginsabat ni malabor nga bilang vice mayor presiding officer lamang siya kag siya magahinyo sang consensus sang kaupod sa konseho.
“Amo na ang gina hulat ko nga ma agree sila mag dayalogo because without dialoguing, how can we move forward”, suno ka Montilla.
Nag pa gwa sang appeal ang gobernador kay Malabor nga kuntani himuon niya ang naga kaigo labi na nga kahibalo naman siya sang papel sang bise alkalde.
“You know the role naman. Nag Sangguniang Panlalawigan member ka man. Nakita mo man as vice governor, I was also an active presiding officer. Do what is right and lead your Sangguniang Bayan”, suno kay Lacson.
Damlag pa ginsulatan na sang probinsya ang SB nga aktuhan na ang budget sang banwa. Wala nagasabat si Malabor sa pagpakig-angut sang Digicast Negros sa iya.
Samtang, sa bahin naman sa ginahinyo sang SB nga 2 million nga budget sa ila nga talatapan suno kay Montilla indi na nila ma revise ang 2022 proposed budget, labi na nga sang ginapatigayon ang budget hearing wala man sila naga tambong.