Luyag anay mapat-od ni Negros Occidental Governor Eugenio Jose Lacson kun pila gid ang mabaton sang mga public utility drivers nga bulig gikan sa national government kasubong man sang gikan sa tagsa ka LGU.
Ini para man maka desisyon sila kun pila ang mahatag nga bulig sang probinsya sa mga apektado nga driver.
Amo man ang pahayag ni Cadiz City Mayor Salvador Escalante, Jr., nga presidente sang Negros Association of Chief Executives.
Suno kay Escalante maga sapol man sa iya si LTFRB Regional Director, Atty Gerry Llena angut sa counterparting nga gina duso para sa subsidy sang mga apektado.
Kahapon gin-announce na ang P5000 nga bulig para sa mga PUV drivers nga pagasuguran ang payout sa madason nga semana sa Metro Manila kag magasunod naman ang sa mga rehiyon.
Nagalaum si Governor Lacson nga indi na mag lala pa gid ang konplikto sa Middle East nga amo ang kabangdanan sa pag timbook sang presyo sang langis karon.
Paathag niya gina pasiguro subong sang probinsya nga may naga kaigo ini nga pondo para sa gina atubang nga sitwasyon.
Sang Miyerkules lamang nag panagtag sang P56 million nga assistance sa mga barangay ang probinsya. Gin-announce na ni Gov nga karon ipaiway anay nila ukon i-put on hold ang kasubong nga programa. Luyag mapasiguro ni Lacson nga may nagakaigo nga pondo nga ma giho ang probinsya antes ini mag padayon.*
[sibwp_form id=1]