Gobernador ang indi pabor sa gina hinyo sang Estados Unidos nga temporary iga accommodate ang mga Afghan refugees sa pungsod.
Suno kay Governor Eugenio Jose Lacson, wala naman sang iban pa nga rason, kundi may angut sa seguridad kun ngaa indi siya ang pabor.
Damlag pa, nag pamatuk si Vice President Sara Duterte sa hinyo sang Estados Unidos nga pagadal-on sa pungsod ang 50,000 Afghans sa Pilipinas antes sang ila nga relocation sa US bangud man sang posible security threat.
Ginsiling sang Department of Foreign Affairs nga may mga pagsugilanon nga gina patigayon karon angut sa request sang Estados Unidos nga temporary iga accept ang mga anay ang Afghan workers samtang gina process ang ila nga special immigrant visas ukon SIV.
Ginsiling sang DFA spokesperson Teresita Daza nga humanitarian in nature ang gina duso nga arrangement indi ini magalakip sang admission ukon hosting sang Afghan refugees.
Ginklaro niya nga ang mga natungdan nga Afghan Nationals indi refugees kundi Afghans nga nakatrabaho sa US government kag ila nga mga qualified family members kag naga secure sang US approval bilang kabahin sang SIV application process.
May pila naman ka national officials ang pabor sa amo nga request sang Estados Unidos.