Gobernador ang naga haylo sa National Bureau of Investigation nga mag padayon sa ila nga imbestigasyon kasubong man pag file sang kaso sa mga yadtong may kahilabtanan sa iligal nga panahor.
Suno kay Governor Eugenio Jose Lacson, kun may naga kaigo man lamang nga ebedensya ang NBI batuk sa duha ka mga punong barangay sa siudad sang Kabankalan nga ila ginpasakaan sang kaso angut sa gin-alegar ila kahilabtanan sa iligal nga Small Town Lottery batunon ini.
Nga-a mag operate pa sa iligal nga STL suno kay Lacson kun may yara man lamang sang legal nga STL.
Kun gina siling man nga may iban pa gid nga punong barangay nga may kahilabtanan sa iligal nga panahor suno kay Lacson ginahaylo sang gobernador ang NBI nga mag usisa sini.
Naka istorya na si Lacson sa pamuno sang Philippine Charity Sweepstakes Office angut sa hinyo sini sa mga lokal nga opisyales nga suportahan ang legal nga STL.
Sa amo nga istorya ginkumpirma man sang PCSO nga ang duha ka mga punong barangay sa Kabankalan ang gina -usisa angut sa ila kahilabtanan sa illegal numbers game.