Naga circulate sa karon sa social media ang litrato sang pag-updanay nanday anay Presidente Gloria Macapagal-Arroyo upod sa mga alkalde sang 5th District kag pila pa gid ka mga lokal nga opisyales.
Suno kay 5th District Board Member Anton Occeno nga yara man sa amo nga pagtililipon, mga tatlo ka semana na ang nagligad sang natabo ang amo nga pagsinapol sa balay ni PGMA upod ang anay first gentleman, anak nila nga si anay Congressman Mikey Arroyo kag hinablos nga si Dina Arroyo-Tantoco.
Taliw-as sa mga spekulasyon suno kay Occeno wala sang may natabo nga announcement ukon endorsement para kay Dina Arroyo-Tantoco.
Madugay na nga naga gwa ang ngalan ni Arroyo-Tantoco nga maga bunggo kay 5th District Congressman Dino Yulo.
Sa amo nga consultative meeting suno kay Occeno ginsiling sang mga Arroyo nga luyag nila magbulig sa 5th District.
“Wala announcement. One thing for sure the Arroyos are really willing to help the district. Amo na to ang naistoryahan. Willing sila magbulig sa 5th District so whatever ang position sang mga mayors they will help”, suno kay Occeno.
Suno kay La Castellana Mayor Rhummyla Nicor-Mangilimutan nga yara sa amo nga pagsinapol luyag man nila kuntani mahibaluan kun ano ang plano sang mga Arroyo.
Sa iya na bahin suno kay Nicor-Mangilimutan, maga depende ini sa kun ano ang mangin kasugtanan sang partido nga iya gina tapuan.
Para naman kag Congressman Yulo sa karon nga tion labi na ang sitwasyon sa bulkan Kanlaon mangin unfair sa pumuluyo kun istoryahan sa sini nga tinon ang pulitika.
“Wala si Dina ya naghambal nga ma run siya. Na hang ang amon partido with that. Kun may magdalagan gid man depende naman na sa party”, suno kay Nicor-Mangilimutan.