Ginatukod nga dalan sa Northern Negros Negros Natural Park kag ang ginadihon nga Panay Guimaras Negros bridge project kabahin sa mga ginakabalak an sa ginhiwat nga Green SONA.
May tatlo ka mga watershed areas, mga flora and fauna ilabi na sa nasakpan sang strictly protected area sang Negros Negros Natural Park ang karon yara sa peligro tungod sang ginatukod nga Patag-Calatrava road.
Sa Green State of the Nature Assessment 2022 nga forum nga ginpatigayon sa University of St. La Salle upod ang katapo sang academe kag pro-environment organization kag simbahan natagaan man atensyon ang kabalaka nga sarang matuga sang ginadihon nga Panay Guimaras Negros Bridge project.
Suno kay San Carlos Diocese Bishop Gerardo Alminaza, indi pwede mabutang sa kompromiso ang dunang manggad kabaylo sang ginahandum nga economic development.
Kasubong sang pag gamit sang renewable energy bilang alternatibo nga solusyon sa kakulang sang power supply nagapati ang obispo upod sa pro-environment organization nga kinahanglan ang integral development agud mapangapinan kag mapabilin ang biodiversity.
Ang Green SONA ang ginapangunahan sang Green Convergence,isa sa orgabization nga nagakampanya para sa Safe Food, Healthy Environment and Sustainable Economy.