Ginsugdan na sang Bago LGU ang pag install sang traditional bahay kubo nga maga serbe temporaryo nga ilistaran sang mga pumuluyo sini nga apektado sang paglupok sang bulkan Kanlaon.
Suno kay Disaster Risk Reduction Management Office Head, Dr Merijene Ortizo, target nila nga mag butang sang 50 ka mga traditional bahay kubo sa seven hectare nga relocation site sini sa Brgy Napoles.
Pero, ang una nga nag-abot 14 lang anay kag diri sila magasugod.
Tig 50,000 pesos ang bili sini lakip na ang installation kag delivery.
Tigaylo sang mga tolda, initiative sang siudad sang Bago suno kay Ortizo nga mag gamit sang kubo himo gikan sa kawayan kag nipa bangud wala labot nga mabugnaw kag eco-friendly mas mapag-on ini kun ipaanggid sa tolda kag wala na kinahanglan sang flooring.
Dugang pa niya ang priority para sa tolda sang OCD ang tent city man sa Himamaylan.
Pero may request man ang Bago nga tents sa OCD.
May 24 tanan ka mga pamilya nga na displace sa Bago bangud sang sitwasyon sang bulkan Kanlaon kag ini sila ang iga relocate diri kun tigayon na nga mahuman ang tanan, nga ginalantaw matigayon sa ika duha ukon ikatlo nga semana sang Pebrero.
Nag hinyo na ang Bago sang budget sa probinsya bahin sa pag pahamtang sang community kitchen, portalets kag communal toilets. Gina lantaw man ang demo farm gikan sa Office of the City Agriculturist.
Whole of the government approach ang ila nga gin gamit.
“Ang City Engineer’s naga patigayon na sang pag start sang site development, gina butangan nila sang roads nga pasulod, tapos ma set-up sang communal toilet kag community kitchen. Subong nag request kami sa province kay governor, through the PDRRMO sang budget for the contruction of the community kitchen, communal toilet kag nag request man kami portalet. Pero ang ini nga site naton may mga preparations ni siya for security nga area sang PNP may ara man siya para sa medical needs naton, may mga child friendly spaces, may mga women friendly spaces”.