Indi libre ang onsite housing project nga handum nga mapatukod sang siudad sang Bacolod para sa mga illegal settlers.
Gani humalin sang weekend, ginsuguran na ni Councilor Vladimir Gonzalez ang paghinun-anun sa mga taga Purok Bayanihan sa Barangay Banago.
Sa tatlo ka mga purok nga malapit sa baybay sa Banago ginaplano ang pagtukod sang onsite housing project sang Benitez administration agud nga indi naman kinahanglan sang mga illegal settlers nga mapalayo pa sa ila palangabuhian.
Ginakalipay sang mga barangay officials ang ginaplano nga proyekto pero nagapati sila nga dapat mapaathag sa mga mangin benepisyaryo ang ila man mangin obligasyon sa siudad.
Plano ni Gonzalez, chairperson, sang Committee on Urban Poor, Housing and Resettlement nga matukod ang isa ka task force nga amo man ang magahatag atensyon sa mga
residente ukon pribado nga mga indibidwal nga sarang maapektuhan sang ginaplano nga onsite housing project.