Distribution sang libre nga school supplies sa malapit 66,000 ka mga estudyante ginsuguran sang Bacolod LGU. Kapin 66,000 ka mga estudyante sa 44 ka mga pampubliko nga eskwelahan sa Bacolod City ang nagbaton sang libre nga school supplies.
Sa pagpanguna ni Mayor Albee Benitez upod sa lokal nga opisyales kag Dep Ed officials ginsuguran ang distribution sang school supplies sa Rizal Elementary School kag ETCS 1, 2, 3 kag 4.
Halin kindergarten asta Grade 6 students sa mga pampubliko nga eskwelahan ang magabaton sang libre nga school supplies.
May P30M ang pondo nga ginpain sang siudad para ipamakal sang notebooks kag iban pa nga writing materials.
Ginpahayag ni Councilor Al Victor Espino, Committee on Education sang konseho, ginakinahanglan maligwat ang natukod nga ordinansa angut sa pagtalana sang pondo para sa libre nga school supplies para mapasiguro nga mapatuman ang pagpanagtag sini kada school year.