Sa post nga nagalapta sa social media, isa ka babaye nga netizen ang nag paghayag angut sa peligro nga iya naagyan sang may isa ka van nga gray nga may sakay nga mga lalaki ang gin alegar nagtinguha nga mag abduct sa iya.
Pero nakadalagan siya kag nakaluwas sang ginpasulod siya sang nagabantay sa iya ginpalapitan nga tiyange.
Ginpahayag naman ni Police Lieutenant Colonel Sherlock Gabana,spokesperson sang Bacolod City Police Office nga fake news ang amo nga istorya.
Ini bangud magluwas nga wala na report sa PNP Station, wala man sang oras kag tion nga namitlang sa post.
Negatibo man ang gin alegar abduction base sa pagpang usisa sang kapulisan sa mga malapit nga kumboyahan sa 6th street.
Suno pa kay Gabana, nagalapta ang amo nga mga sahi sang fake news ilabi na kun nagahilapit ang Masskara Festival.
Gina-usisa na sang PNP ang nagpost sa tuyo man nga mapasakaan sang kaso angut sa pagsupak sang Republic Act 10175 ukon ang Cybercrime Prevention Act.