Masobra sa 3 million sa karon ang registered voters sang Negros Island Region matapos ginpatigayon ang Election Registration Board Hearing sadtong Enero 19.
Sa bag-o nga datus nga gin-release sang Commission on Elections NIR nagdangat naman sa 145,691 ka mga botante ang na deactivate ukon nakakas sa list of voters matapos nga mapaslawan mag boto sang duha ka sunod-sunod nga piniliay.
Sa karon, as of January 19 ang Negros Occidental ang may pinaka madamo nga registered voters sa NIR – 1,916,404.
Nagasunod naman ang Negros Oriental nga may yara sang 973,225 kag ang Siquijor may yara sang 82,277 ka registered voters.
Masobra naman sa isa ka million ang mga naka pa rehistro sa NIR para sa Sangguniang Kabataan.
649,161 ang sa Negros Occidental, 335,063 ang sa Negros Oriental kag 27,865 ang sa Siquijor.
Padayon sa gihapon ang voter’s registration para sa Barangay kag SK Elections kag ini ang magalawig tubtob sa Mayo 18.*
[sibwp_form id=1]