Ginapalab-ot sa igtalupangod sang Bacolod Traffic and Transport Management Department ang reklamo sang mga motorista angut sa mahinay nga lakat sang trapiko nga gintuga sang pagkaayo sang contractor sang Department of Public Works and Highways sa Burgos extension sa gwa sang Villa Angela Subdivision.
Sa isa ka statement, ginpaathag sang BTTMD nga wala sila kag ang siudad sang may nabaton nga impormasyon ukon wala man sang may naglisensya nga contractor nga sirad-an ang isa ka lane sang dalan para kayuhon.
Gin dugang pa sang BTTMD nga kun i-base sa Local Government Code of 1991 ukon ang R.A. No. 7160 ang temporaryo nga pagsira sang dalan ang dapat anay ipahibalo sa alkalde kag kun ano ini kalawig pagahimuon para mapahibalo man ang publiko kag malikawan ang pag guot sang mga salakyan.
Ang ini nga dalan ang isa sa mga pinakamasako nga dalan ilabi na kun aga kun naga biyahe ang kalabanan pa eskwelahan kag pa opisina.
Ginapahanumdom sang BTTMD ang mga contractors kag ahensya sang gobyerno nga mag coordinate anay antes maghimo sang road project para indi makahalit sa publiko.
[sibwp_form id=1]