Shadow

Ginikanan nga naglubong buhi sa ila bag-ong bun-ag nga lapsag gin-aresto

Arestado ang mag live-in partner nga ginatudlo suspetsado sa paglubong sang ila bag-ong bun-ag nga lapsag sa Pulupandan Public Cemetery sadtong Agosto 21, 2022.

Ang mga akusado ang isa  ka 23 anyos nga lalaki kag 22 anyos  nga babaye kag pareho nga residente sang Barangay Patic, banwa sang Pulupandan.

Sa blotter report sang Pulupandan PNP, gindakop ang mag live-in partner pinaagi sa pagserbe sang warrant of arrest sa kaso nga infanticide.

Ang duha ang ginakabig nga top 1 kag 2 most wanted person sang Pulupandan police station.

Wala sang piyansa ang ila nga kaso. Isa ka sepulturero ang naka diskubre nga may buhi nga lapsag nga ginlubong sa patyo matapos mabatian nga may naga hibi sa sulod sang bag-o lang gin sarado nga pantyon.

Ginkakibot sang sepulturero sang ma diskubrehan nga buhi ang lapsag nga ginlubong sang magkahagugma sa patyo.

Tigayon pa nga na dala sa clinic sa banwa ang bata pero napatay matapos ang pila ka oras.

Ang mga ginikanan ang sa karon yara na sa custody sang Pulupandan PNP.

Secured By miniOrangeSecured By miniOrange