Nagdugang sang 150 ka mga hulot sa healing center sa EB Magalona agudto mas madamo pa gid ang ma accomodate sa amo nga quarantine facility.
Damlag pa nag lab-ot sa critical level ang mga quarantine facilities sa probinsya bangud sang pagsaka man sang kaso sang Covid-19. Sa datus sang provincial incident management team naga saka panaog ang active Covid 19 cases sang Negros Occidental.
As of May 10, 2367 ang active cases sang probinsya.
Suno kay Provincial Administrator Rayfrando Diaz ang kaso kalabanan mga mild cases kag indi moderate to severe. Sa datus sang admission sa ospital indi puno ang mga bululngan.
40 ang na admit nga Covid positive kag suspected Covid cases sa ospital sa Cadiz kag 19 sa Valladolid.
Padayon naman ang paghaylo sa mga naga abot sa probinsya nga boluntaryo mag paidalom sa swab test. May ginbuksan man nga hotel suno kay diaz nga pwede maka tenir ang yadtong mga naga paidalom sa quarantine kun indi nila luyag mag tenir sa quarantine facility sang probinsya.
Mga 1,500 ang sarang nga ma gasto sang isa ka naga tenir lakip na ang pagkaon.