Konseho sang siudad ginapamatukan ang tuyo nga pagpatuman sang 12 percent value added tax sa water services sang Baciwa-PrimeWater Infrastructure Incorporated.
Ang dugang nga balayran sa tubig ang isa lang sa ginapamatukan kag ginapaabot sang katapo sang Amlig Tubig kag Bacolod Consumer Watch Incorporated sa joint venture sa tunga sang Bacolod City Water District kag Primewater Infrastructure Incorporated.
Gani gin-aprobahan man sang Sangguniang Panlungsod ang resolution nga ginduso ni Councilor Wilson Gamboa,Jr. Nga naga-oppose sa plano nga pagpatuman sang Baciwa Primewater sang 12 percent value added tax sa water services.
Ginpahayag ni Gamboa nga kun ano man ang ginsalo nga financial obligation sang PrimeWater sa baciwa ang indi na dapat mangin palas-anon sang konsomidor ilabi na karon nga may pandemic.
Nagapati si Gamboa upod sa mga consumer watch group nga privitization ang natabo kag indi joint venture agreement sa tunga sang Baciwa kag PrimeWater.
Gani pagabalabagan man nila pati ang posibilidad sang pagsaka sang water rates nga sarang ipatuman sang Baciwa PrimeWater.