Suno kay City Legal Officer Atty. Romeo Carlos Ting Jr., ginabalabagan karon sang pamilya Lizares ang ginaduso nga joint venture project sang siudad upod sa SM Prime Holdings Incorporated kag Civil Aviation Authority of the Philippines para sa development project sa daan nga airport.
Nakasaad sa expropriation ordinance nga ang ang pag gamit sang duta sang pamilya Lizares nga nasakpan sang CAAP property ang para lang sa paluparan.
Gani tuyo karon sang siudad nga maga-negosyar upod sa pamilya agud masuguran ang joint venture development project sa daan nga airport.
Samtang, natalana naman para sa swiss challenge ang proposed P4.5B development project sang SM Prime Holdings upod sa siudad.
Hulaton sang Public Private Partnership for the People Committee kun may iban nga proponent para sa development project sang Manokan Country, Vendor’s Plaza kag Bays Center.