Patay ang isa ka gina alegar miyembro sang New People’s Army sang mag enkwentruhanay kahapon ang rebelde nga grupo batuk sa tropa sang 94th Infantry Battalion sa bahin sang Sitio Bugo, Barangay Buenavista sa siudad sang Himamaylan.
Sandig sa report sang army, ang tropa sang 94th IB ang naga patigayon lang sang combat operation may angut sa report sang presenya sang mga rebelde sa lugar.
Didto na nagluntad ang pagbayluhanay sang lupok sa magkasumpong nga grupo nga naglawig sang 10 ka minuto.
Na recover ang lawas sang napatay nga NPA sa encounter site pati na ang isa ka M16 rifle, 2 ka caliber 357 pistol kag iban pa nga kagamitan.
Wala naman sang may nasamaran sa bahin sang army.