Arestado ang isa ka 21 anyos nga lalaki sa may Sitio Doldol, Brgy. Cabcabon, Bayawan City, Negros Oriental bangud sang alegasyon nga carnapping sa amo nga lugar.
Nagpanugid ang bayaw sang suspek sa tag-iya sang motor nga ang iya sini nga motor ang ginlubong.
Gani gin kumpronta sang biktima ang suspek kag nagpangayo na sang bulig sa PNP.
Suno sa PNP pasakaan sang kaso nga carnapping ang persona nga ginatudlo nagkawat kag naglubong sang motor.
Nagapadayon naman ang checkpoints sang Bayawan PNP sa dalan para mausisa kun bala may mga dokumento ang mga salakyan kag mga motor para likaw man sa dugang pa gid nga kaso sang carnapping.