Isa sa mga most wanted person sa Negros Oriental kag gina alegar nga gun for hire nga si Richard Namoco Quadra alias Boy Quadra, 45 anyos sang Sta. Catalina Negros Oriental ang na aresto kahapon sang hapon sa Brgy. Sta Catalina, Talugtug, Nueva Ecija sang tracker team sang Talugtug PNP sa bulig sang Negros Oriental PNP.
Sa pagpatigayon sang body search, nakuhaan siya sang isa ka loaded handgun nga Smith and Wesson nga may 14 ka mga bala.
Siya ang naga pangatubang sang kaso nga murder angut sa kamatayon ni Negros Oriental Board Member Miguel Dungog nga may reward money nga P500,000 ang pagka dakop sa iya.
Isa man siya sa mga ginkasuhan sang murder angut sa kamatayon ni Gov. Roel Degamo kaupod ni anay Cong. Arnulfo Teves Jr.