Naga-isahanon liwat nga nakalusot kag nagdaug bilang elected city councilor si anay Councilor Wilson Gamboa, Jr., nga naga-pang-siyam sa dose ka mga elected councilors.
Kilala si Gamboa bilang “lone wolf” nga sadto isahanon man nga maid-id nga naga-usisa kag nagapamalabag sa mga proyekto kag programa sang tinalikdan nga administrasyon nga indi niya mauyunan.
Pero iya ginpahayag nga mas luyag niya karon nga matagaan katumanan ang iya ginaduso nga mga adbokasiya sa konseho.
Gani handa siya nga mag-cooperar kag mag-kompromiso kun kinahanglan agud matigayon ang mga maayo nga tinutuyo sang incoming administration.
Masubo man sa iya nga napaslawan ang iya mga kaupdanan sa idalom sang Team El Cid pero ginapaabot niya ang maayo nga panghimanwa kaupod ang konseho.