May malaba nga porsyon sang highway pasulod sa Sipalay City nga gina kayo sa karon sang contractor sang Department of Public Works and Highways.
Bangud nga rekta-rekta ang malaba nga strip sang dalan nga gina kaayo kag may naga buhos sang semento, may mga tion nga mga 30-45 minutos ang hulatanay sang mga motorista para lang makalabay.
Pero may mga motorista pa gid nga nagpadala sang sini nga litrato sa Digicast Negros.
May mga oras pa gid kuno nga wala sang may naga guide sa mga motorista.
Kag bangud tuman ka laba kag naga kurbada ang ginakaayo nga dalan naga sugat-anay ang salakyan sa one way nga dalan nga naga tuga pa gid sang delay sa biyahe.
Ginsiling man sang tagreklamo nga kulang sa early warning device ang road repair gani delikado man para sa motorista.
Pangabay nila nga kuntani may look out nga maga guide sa motorista kay kadako nga oras ang nagakausikan kun ma stranded sa sini nga porsyon sang highway.