Ginabulubanta nga mga 1.3 million ka mga estudyante sa tanan nga level sa mga pampubliko nga buluthuan sakop sang Department of Education Negros Island Region ang nag balik eskwela subong nga adlaw.
Paathag ni DepEd Regional Director Ramir Uytico tubtob pa sa August ang enrollment gani indi pa lubos nga mapat-od kun ano kadamo sang mga nag balik eskwela sini nga school year.
\Mga problema sa kakulang sang classroom bisan pa manunudlo ang yara gina atubang sa gihapon sa kada bukas sang klase.
Pero kay tungod nga bag-ong tukod ang DepEd NIR, indi dali-dali nga mga tipon ang datus labi na nga sila ang naga coordinate sa gihapon sa Region 6 kag 7.
Sa Oplan Balik Eskwela suno kay Uytico priority ang safety sang mga estudyante.
Lakip na diri ang mga estudyante nga naga eskwela sa mga kabukiran. Bwas natala man magbisita si Uytico sa mga eskwelahan sa La Castellana nga apektado sang sitwasyon sang bulkan Kanlaon.
Luyag nga ipasiguro sang DepEd ang learning continuity.
“Ang requirement ko lang sa lahat ng mga superintendents, assistant superintendents, lahat nga mga division officials, to closely monitor the opening of classes, having in mind safety of the learners as the priority”, suno kay Uytico.