Halin sa 1,790 ka tonelada nga sulfur dioxide nga ginbuga sang Kanlaon sang Martes, nagsaka ini sa 3,952 ka tonelada sang kahapon.
Ini base sa monitoring sang Philippine Institute of Volcanology and Seismology. May 19 mga mga pagtay-og naman nga na record sa bulkan.
Nag lab-ot naman sa 600 meters ang kataason sang plume nga ginbuga sang Kanlaon.
Nagapabalin sa gihapon ang bulkan sa Alert Level 3, buot silingon indi pwede makasaka sa 6 km permanent danger zone kay may posibilidad sa gihapon sang hinali nga paglupok sang bulkan, pag gwa sang lava, ash fall, pyroclastic density current, rockfall kag pagbaha sang lahar kun mabunok ang ulan.