Indi mabatas sang PE teacher ang nakita nga video sa ila nga group chat angut sa estudyante nga nakabakal sang fried chicken nga gina ulod na.
Gani nangisog siya nga i share ini sa iya nga Facebook account.
Ang estudyante sa video ang gikan sa isa ka elementary school sa Barangay Montevista.
Suno kay Punong Barangay Glo-ann Tambasen, iloy sang estudyante ang nakabakal sang fried chicken halin sa nagalibod nga kariton sa gwa sang Libertad Public Market.
Ang amo nga video ang ginpakita sang Digicast Negros kay Dr.Carmela Gensoli kag bisan siya ang indi makapati sa iya nakita.
Tuyo karon sang pamuno sang City Health Office nga mausisa kun sin-o ang nagbaligya sang pan os nga fried chicken. Ipausisa niya man ilabi na ang mga ambulant vendors nga nagabaligya sa gwa sang mga eskwelahan.
Bukas man ang opisina ni Councilor Claudio Puentevella chairperson sang Committee on Heath sang konseho sa reklamu sang pamilya sang estudyante.
Humalin sang nagbalik ang full face to face classes gina ayo na sang pamunuan sang Department of Education ang mga ginikanan nga pabalunan sang pagkaon an on ila kabataan agud makasiguro man nga hilway sila sa ano man nga posible balatian samtang yara sa eskwelahan.