Apat ka homemade firearms, mga bala kag masobra P400,000 nga balor sang suspected shabu ang nakuha sa buy-bust operation sa Zone 1, Barangay Handumanan sa Bacolod City sang Martes.
Tatlo ka mga persona ang nadakop, lakip na ang subject, nga ginkilala kay alyas “Noy”, 34-anyos, ang iya assistant nga si alyas “Mel”, 31-anyos, kag isa ka customer nga si alyas “Bal”, 32-anyos.
Ang subject amo ang gina-alegar nagapangbaton sang mga gina-prenda nga pusil sang iya mga customers.
Suno sa pulis, nagatuga sang gamo ang subject kun nakainom. Pila sa iya mga tupad balay ang nagareklamo nga masami madamo sang mga tawo nga naka-motor ang nagasulod kag nagagwa sa iya balay bisan kaagahon.
Igapaidalom sa ballistics examination ang mga pusil nga nakuha sa nasambit nga operation, lakip na ang isa ka .45 caliber pistol kag tatlo ka .38 caliber revolver.
[sibwp_form id=1]