Gina-alegar sink hole sa Sitio Bairan sa Brgy Gen Luna sa banwa sang Toboso ang gin-report sang mga pumuluyo kaina sang aga.
Suno kay Engr Hospicio Carbajosa, Jr., ang Municipal Disaster Risk Reduction Management Officer sang Toboso, las 7 kaina sang aga sang natalupangdan sang mga pumuluyo ang pag usmod sang duta nga sakop na sa nabukid nga bahin.
Nakit-an nila ang paglitik man sang duta. Suno kay Carbajosa sa report sang ila nga personel 30 meters ang radius sang amo nga litik. Pabilog ang pag – usmod sang duta. Ang diameter sini mga 60 meters suno sa iya. Ang kadalumon ukon ang depth sang gin-usmod naga average sa 1.5 meters.
Dugang pa ni Carbajosa wala sang may nagalabay sa area, pero nag abiso na sila sa barangay nga mag andam sa area.
Ang nag-usmod nga bahin kilid sang bukid kag malapit sa hacienda road. Mga 500 meters naman ang kalayuon sini sa national highway. Kag mga 450 meters naman ang kalayuon sini gikan sa Calatrava-Toboso fault line.
Gin-report na nila ini sa Office of the Civil Defense NIR kag sa Provincial Disaster Risk Reduction Management Office.
Suno kay Carbajosa may mga limestone sa palibot sang amo nga area gani mahimo nga nga isa ini ka sink hole.
October 2025 sang may nagluntad nga linog sa Toboso suno kay Carbajosa.
“Nag-send na ko sang situational report. Noted na to sang Province of Negros Occidental kag Office of the Civil Defense NIR. I talked with the personnel sang OCD NIR naghatag na ko coordinates sa ila para ma report sa MGB. Gapalibot siya sa isa ka area. Ang dira nga area ang Brgy Gen Luna characteristic sang duta naton dira more on limestone”, suno kay Carbajosa.*
[sibwp_form id=1]