Nagpadulong kaina sang aga sa talatapan sang Provincial Comelec ang duha ka mga anay nagpapili sa Barangay Elections sa Marcelo, Calatrava para ipadangat ang ila kabalaka kasunod sang gina alegar pag misrepresent sa COMELEC – Negros Occidental.
Suno kay Maximo Rezaga, sadtong Nobyembre 10 nag lab-ot sa ila igtalupangod nga may nag padulong sa Barangay Hall sang Marcelo nga nag pakilala tiglawas sang Provincial Comelec.
Gina alegar nga may mga folders ini nga ginkuha gikan sa barangay nga ginsulod sa karton kag ila nga ginbitbit.
Bagay nga suno kanday Rezaga kag kaupod sini nga si Joy Parlocha naghatag sa ila sang kabalaka.
Suno kay Provincial Elections Supervisor, Ian Lee Ananoria, , gin-abisuhan na sila nga mag execute sang affidavit kag mag sulat sang formal complaint kag ini ang ipatuhoy sa Manila.
Ang COMELEC – Negros Occidental wala nakapadulong sa Marcelo sa amo nga tion. Kun may misrepresentation gid man nga natabo seryoso ini nga bagay.
Ginsiling man ni Rezaga nga ang ila grupo ang damlag pa nag file sang premature campaigning, vote buying complaints batuk sa mga nagdalaog nga opisyal sang barangay nga tubtob sa karon ang pending.