Patay ang isa ka ginapatihan lider sang New People’s Army matapos ang nagluntad nga engkwentro sa Sitio Calambia, Barangay Trinidad sa Guihulngan City, Negros Oriental sang Lunes, Agosto 17.
Ginkilala sang military ang napatay nga amo si alyas “Dagohoy”, commanding officer sang Section Guerilla Unit 3 sang Central Negros 1.
Ang iya lawas ang nasapwan sa Sitio Uyangan, Barangay Budlasan sa Canlaon City sang nagapatigayon sang pursuit kag clearing operations ang mga soldado.
Suno sa militar, si “Dagohoy” ang may mga pending nga warrant of arrests sa kaso nga two counts of murder, crimes against International Humanitarian Law, genocide, illegal possession of firearms kag Special Protection of Children against Abuse, Exploitation and Discrimination Act.
Naglawig sang lima ka minutos ang pagbayluhanay sang lupok sang katapo sang 62nd Infantry Battalion kag mga rebelde.
Na-recover sa encounter site ang isa ka M16 assault rifle, tatlo ka magazines nga may mga bala kag personal nga pagkabutang.
[sibwp_form id=1]