Patay ang gina-alegar 33 anyos nga kawatan matapos nga gintiro sa Purok Lampirong, Brgy. 2 siudad sang Bacolod kaina sang aga.
Suno sa kay Police Captain Glenn Montaño ang Station Commander sang Police Station 2, si Joemarie Villapana, ang ginatudlo nga amo ang sa likod sang mga pagpangawat sang mga kabilya sa gina construct nga bodega sa BREDCO port.
May record man siya sa Police Station 1 nga paglapas sa RA 11332 ukon Disobedience sa EO 26 kag 27 sadtong pandemya.
Apat ka mga basiyo sang caliber .45 pistol kag isa ka deformed slug ang nakuha sa lugar sang insidente.
Gilayon nga nagpalagyo ang suspek nga naga sakay sa scooter.
Ang suspek nagasakay sa scooter padulong sa wala matumod nga direksyon.
Nagapadayon ang imbestigasyon sang kapulisan sa pagkilala sa suspek sa pagpatay sa biktima.