Patay ang isa ka gina alegar katapo sang New People’s Army sa nagluntad nga engkwentro sa tunga sang walo ka mga katapo sang rebeldeng grupo kag tropa sang 62nd Infantry Battalion sa Sitio Leong, Barangay Imelda, Guihulngan City, Negros Oriental Sabado sang kaagahon.
Nakabaton sang report ang militar gikan sa mga pumuluyo nga may presensya sang mga rebelde sa lugar kag sa ila pagresponde, nagluntad ang engkwentro nga naglawig sang 10 minutos.
Nakumpiskar ang isa ka 45 caliber pistol nga may mga magazine kag mga bala, duha ka mga backpack kag personal nga mga kagamitan.
Sa pursuit operation sang militar, liwat naka-engkwentro sang mga ini ang tatlo ka mga rebelde sa Sitio Cansimba, Barangay Quintin Remo, Moises Padilla kun sa diin isa sa mga ini ang napatay samtang isa ka caliber 38, isa ka granada kag personal nga pagkabutang ang nakumpiskar.