Survey kag inspeksyon natalana ipatuman sang siudad sa sulodsang daan nga airport sa Bacolod, nalakip nga paga-usisaon ang mga gina alegar natukod nga illegal structures.
Ang pagtukodsang access road nga maga angut sang Barangay Tangub kagBarangay Singcang-airport kabahin sang mga plano ni Mayor Albee Benitez kabangdanan nga ginaduso niya ang joint development project upod sa SM Prime Holdings Incorporated nga amo ang nagbakal sang malapit 20 hectares nga propiedadsa daan nga airport sang siudad.
Sa nasakpan sang daan nga airport tuyo itukod sang siudad ang isa sa apat ka mga access road.
Suno kay City Legal Officer Atty. Romeo Carlos Ting, Jr., ang katapo sang City Engineer’s Office natalana magapatigayon sang survey agud mapat-ud ang kadamuon sang mga informal settlers nga sarang man maapektuhan sang ginaplano nga construction sang access road.
Magapatigayon man sila sang inspeksyon sa old airport tungodmay mga gina alegar illegal structures nga yara sa sulod sang daan nga aiport.
Ginsiling ni Ting nga wala pa sila sang may nabaton nga reklamo gikan sa Civil Aviation Authority of the Philippines kag SM Prime angut sa mga gina alegar illegal structures pero kabahin ini sa ila tagaan sang atensyon.