Nagpadulong ang PDEA, PNP kag army sa Sitio Napungalan 2, Barangay Jonob-Jonob sa Escalante City, agud kuntani i-serbi ang arrest warrant batok sa isa ka ginakabig drug lord, Miyerkules sang hapon, Abril 15.
Base sa report sang PDEA, samtang gina-serbe ang warrant of arrest sa ila ni alyas “Joseph” nga isa ka high value individual drug personality, kag duha pa gid ka mga persona nga ginkilala nga sanday alyas “Piolo” kag alyas “Roy”, nagbato sila gani nag resulta ini sa pag tiniruhay. Napatay ang tatlo sa amo nga insidente.
Ginpangunahan ang operation sang Philippine Drug Enforcement Agency, Philippine National Police, Regional Mobile Force Battalion, Negros Occidental Provincial Mobile Force Company kag Philippine Army.
Ang pamilya sang gin-alegar drug lord ang dismayado, nagapangayo sang hustiya kag nagpahayag nga kuntani insakto lang ang pag-proseso sang pagserbe sang warrant.
Gin-alegar naman sang pamilya nanday “Piolo” kag “Roy” nga nagsurrender na ang ila mga himata sa awtoridad, gani dako ang ila palamangkutanon kung nga-a napatay sila.
Base man sa report sang PDEA, may na recover sila nga 13 ka sachet sang suspected shabu nga naga bug-at sang 13 grams kag gina bulubanta naga balor sang masobra sa P88,000.
May na recover man nga mga pusil, bala kag magazine.*
[sibwp_form id=1]