Gin lockdown ang barangay proper sang Manalad sa banwa sang Ilog kag pila ka mga sitio sini.
Ini matapos nga may nagpositibo nga isa sa frontliner kag iya asawa nga naga busong sang anum ka bulan.
Suno kay Gideon Padilla ang pamuno sang Local Disaster Risk Reduction Management Office, ang pagpatigayon sang lockdown sa bilog nga barangay proper kag pila ka mga sitio ang ginpatuman agudto indi na sila mabudlayan pa sa contact tracing kun may mag dugang gid man nga nagpositibo.
Ang tanan nga gina kabig primary contact sang mag asawaa ang gin swab test na kag ginahulat ang resulta. Ang pag halog sang lockdown ang maga depende na sa mangin resulta suno kay Padilla.
Ang tanan naman nga apektado nga pumuluyo ang gin hatagan sang food assistance sang lokal nga panguluhan suno kay Padilla.
“Naka swabbing na kami sang Monday, hopefully maka gwaa tanan nila nga result ini nga Wednesday kay para maka release na kami sang iban nga mga sitio nga puro negative,” suno kay Padilla.