Nag-file na sang appeal sa Civil Service Commission Central Office ang empleyado sang OPA nga gin-dismiss angut sa na missing nga 789 ka sako sang abono.
Sa appeal ni Herminigildo Basilio nga ginkakas bilang Agriculturist 1, gina hinyo sini ang CSC sa pag review kag reverse sang desisyon nga ginpapanaog ni Governor Eugenio Jose Lacson.
Wala labot diri iya man gina hinyo ang pag pat-od sang legality sang gin patuman sa iya nga preventive suspension damlag pa.
Lakip na diri ang pag panawagan sang iya immediate nga reinstatement kag payment para sa back wages kag iban pa gid nga relief.
Lakip sa iya gina hinyo ang madasig nga disposition sang iya kaso.
Na furnish man sang kopya ang talatapan ni Governor Lacson.
Nagapanindugan si Basilio nga sala ang mga alegasyon batuk sa iya. Iya ginsiling nga wala sang ebedensya nga gin present batuk sa iya angut sa gina siling iya pag baton sang 2,000 ka sako sang abono.
Wala man sang may ginpakita nga naga pamatuod nga iya katungdanan ang mag safekeep lakip na ang pag distribute sang abono nga yara sa warehouse.
Wala man gani sang special order para sa iya nga naga designate sa iya nga accountable officer.
Ginpaskaan sang kaso nga grave misconduct, serious dishonesty kag malversation of public funds si Basilio.
Natukiban ang na missing nga abono sang maga withdraw na kuntani sang ila allocation gikan sa Department of Agriculture ang LGU pero wala natigayon kay wala na sang nabilin nga supply.