Application sang siudad sang Bacolod para mahatagan sang kaugalingon nga radio frequency ang wala ginpahanugutan sang National Telecommunications Commission.
Ginpahayag ni Bacolod Councilor Renecito Novero nga damlag pa nagpangayo sang radio frequency ang siudad sa NTC para kuntani gamiton sa distance learning nga programa sang DepEd Bacolod sa tunga sang COVID-19 pandemic.
Suno sa konsehal, wala ginpahanugutan sang NTC ang hinyo sang siudad bangud indi luyag sang commission nga ang iban nga mga local government units ang magpangayo man sang ila tagsa ka mga radio frequency.
Bangud sang nangin desisyon sang NTC, ginpahayag ni Novero nga magapangita na lamang sila sang iban nga radio stations sa siudad nga makaserbe sa kinahanglanon sang DepEd.
Iya pa gindugang nga nangin epektibo man sa karon ang online kag modular learning sang DepEd sa mga kabataan gani mahimo nga indi naman gid kinahanglan pa sang radio program.