Nabalahuba ang pagpangawat sang battery ka salakyan sang mga suspek matapos sila ang namutikan sang pulis paagi sa madasig nga pagpabalo sang force multiplier sa Purok Calubay, Barangay Sampinit sa Bago City, pasado las 4 Miyerkules 
sang kaagahon.
Nakabaton sang report ang isa ka force multiplier nga may mga lalaki nga nagapangawat sang duha ka batteries gikan sa Isuzu Elf dropside truck nga nagapundo sa higad sang highway.
Gintawgan nila ka pulis kag gilayon nga nag-responde ang katapo sang Bago City Police Station.
Bangud sang panic, ginbilin sang mga suspek ang ila ginkawat nga battery kag naghingagaw palagyo.
Naglinagsanay kag isa sa mga suspek ang nadakpan. Nabawi ang mga baterya kag positibo ini nga ginkilala sang tag-iya nga amo ang iya ginkawat nga battery.
Gindala ang nadakpan nga suspek sa Bago Police Station.*
[sibwp_form id=1]