Mas mangin hapos na ang pag-invest sa GCash para sa mga interesado nga Bacolodnon kag Negrosanon nga mga negosyante.
Ini matapos gin-anunsyo sang Mynt Inc., ang parent company sang GCash, nga na-aprubahan na sang sang Philippine Stock Exchange (PSE) ang ginaplano sini nga initial public offering (IPO).
Sa isa ka statement sang Setyembre 16, ginpahibalo sang Mynt nga nabaton sini ang pormal nga Notice of Approval halin sa PSE board of directors para sa pagtanyag sang shares sa publiko kag paglista sang common shares sini sa Main Board sang stock exchange.
Nagsunod ang pag-apruba sa pag-file sang Mynt sang registration statement sa Securities and Exchange Commission (SEC).
Ginapaabot ang transaksyon sa Oktubre, depende sa final nga regulatory clearances kag kahimtangan sang merkado.
Magalakip ang ginaplano nga pagtanyag sang tubtob 8,027,409,600 ka common shares, nga may overallotment option para sa tubtob 1,204,111,400 pa ka dugang nga secondary common shares.
Natalana nga itanyag ang primero nga “main offering” natalana itanyag tubtob sa 8,027,409,600 ka common shares, nga may overallotment option para sa tubtob 1,204,111,400 pa ka dugang nga secondary common shares.
Kapin sa 1,605,481,900 new shares nga nalakip main offering ang ipawa sang Mynt kag 6,421,927,700 ka shares naman ang ibaligya sang mga existing nga shareholders.
Maga-represent ini sang mga 12.0 nga porsiyento sang issued and outstanding capital stock sang Mynt, ukon 13.8 porsiyento kun magamit sang bug-os ang overallotment option, suno sa kumpanya.
Ginpahayag sang Mynt nga magabukas ang ginaplano nga listing sang masunod nga hagna sang pagtubo sini sa publiko, samtang ginapadayon ang pagpalapad sang access sa serbisyo pinansyal kag paghatag sang malawig nga benepisyo sa mga nagagamit kag palaabuton nga shareholder.
Nagatuman bilang joint global coordinators kag joint bookrunners ang Morgan Stanley, J.P. Morgan, kag UBS.
Nalakip naman ang BPI Capital kag BDO Capital sa domestic lead underwriters kag joint bookrunners.
Nagapabilin nga hulaton sang mga interesado sa Bacolod kag Negros Occidental ang final nga presyo, panahon sang pag-subscribe, kag pamaagi sang pag-apply, sa mga masunod nga semana.
Nagadepende sa gihapon ang pagtanyag sa mga kinahanglanon sang SEC kag PSE, kahimtangan sang merkado, final nga mga kondisyon sang offer, kag mga kinahanglanon nga internal nga pag-approve kag pagtugot.
[sibwp_form id=1]