Mabuhinan ang gasto sa plete kag oras sa pagpila ang mga l Negrenses paagi sa pagbayad sang bills sa cellphone gamit ang GCash, suno sa isa ka financial literacy advocate.
Sa isa ka press release, ginsiling ni Jonathan L. Ravelas, senior adviser sang Reyes Tacandong & Co., nga makabulig ang digital transactions sa pagdumala sang budget samtang nagagamay ang mabakal sang kuwarta bangod sa pagsaka sang presyo sang balaklon ukon inflation.
Makabayad sang bills, makapadala sang kwarta, makabakal sang load, kag makabayad sa mga negosyante ang mga nagagamit sang GCash app.
Malikawan man ang dugang nga bayad sa biyahe pakadto sa payment center sang pumuluyo nga makakompleto sang transaksyon sa ila mga cellphone.
Mahimo man magamit ang wala na usikan nga oras para sa trabaho, negosyo, ukon pamilya.
Ginpaathag ni Ravelas nga may kapareho man nga gasto ang oras nga nagaubos sa trapiko kag pilahay, bangud mahimo kuntani ini magamit sa iban nga buluhaton.
Nagahatag man ang GCash sang access sa savings, pautang, insurance, kag investment products, nga suno sa iya makapalapad sang serbisyo para sa mga tawo nga nabudlayan maka access sini paagi sa traditional nga mga pamaagi.
Naga sentro ang iya pagpaathag sa pagkinot sa transaksyon, pero ini makabulig piyan-piyan sa mga galastuhon kag pwede pa ma-supot, dugang pa ni Ravelas.
[sibwp_form id=1]