Masobra sa 10,000 pesos ang nataban sang mga hold-up suspect sa isa ka gas station sa National Highway sang Brgy.
Poblacion 2 sa siudad sang Sagay, Domingo sang gab-i.
Suno sa Sagay City PNP, nakilal-an ang mga suspek nga sanday An Raylin Jumalon, 42-anyos kag Danilo Tambo Jr., 29-anyos lunsay mga residente sang Brgy. Cabahug siudad sang Cadiz.
Sakay ang duha ka mga suspek sa motorsiklo kag nagpa kunu-kuno nga mapa tughong, nagpadulong ang driver sa cashier para magbayad pero hinali na lang siya nag gabot sang pusil kag nagdeklarar sang hold-up.
Ginkuha sang backrider ang cash kag nagpalagyo.
Sa pagpakig angut sang Sagay PNP sa mga staff sang gasolinahan kag ginpakita ang pila ka mga litrato, diri nakilala sang mga biktima ang mga suspek.
Sa karon padayon ang imbestigasyon sang kapulisan kag paglagas sa mga suspek.